SANTA MONICA HYMN

​

O lungsod kong mahal, ikaw akong ampingan

Tuburan sa kinabuhi sa mga lumulopyo

Ikaw ang paglaum nga nagagikan sa sidlakan

Ikaw akong panggaon ug akong mahalon

 

 

Santa Monica, Santa Monica buot ako nga magpabilin kanimo

Ang imong katahum gakson ko hangtud sa kahangturan

Himuon ko ang tanan alang kanimo o lungsod ko

Kay ikaw ang gimat-an ko, minahal nga yuta

 

 

Koro:

 

Kalimpyo, kahimsog ug kalinaw

Mao ang dalan sa kalamboan

Ug kining akong kinabuhi

Ihalad ko kanimo Santa Monica

Luha sa kagul-anan,

Modagayday kon ikaw pasipad-an

Kalipay ug katawa ang matagamtaman

Kon ang bidlisiw sa kalamposan atong makit-an

 

 

Santa Monica, Santa Monica matin-aw pa ang suba sa paglaum

Malunhaw pa sa gihapon ang tanaman sa kabukiran

Ang balod sa kadagatan may panahon pa sa iyang paglurang

O, Santa Monica, ikaw ang lungsod kong mahal

O, Santa Monica, ikaw ang lungsod kong mahal.